[dropcap]‘సి[/dropcap]నిమా క్విజ్’కి స్వాగతం.
పాత కొత్త తెలుగు హిందీ సినీ అభిమానులను అలరించే ఈ శీర్షిక తమ సినీ అవగాహనను, విజ్ఞానాన్ని పాఠకులు పరీక్షించుకోదగిన ప్రశ్నలతో అందరినీ అలరిస్తుందని ఆశిస్తున్నాము. శ్రీ శ్రీనివాసరావు సొంసాళె ఈ ‘సినిమా క్విజ్’ శీర్షికను నిర్వహిస్తున్నారు.
ప్రశ్నలు:
- సి. సీతారామ్ నిర్మించి దర్శకత్వం వహించిన ‘బొబ్బిలి యుద్ధం’ (1964) సినిమాలో ఎన్.టి.ఆర్., ఎస్.వి.ఆర్., భానుమతి, రాజనాల నటించారు. ఈ సినిమాలో ముక్కామల బుస్సీ దొరగా నటించగా, హైదర్ జంగ్ పాత్రలో నటించినదెవరు?
- మునిపల్లె రాజు గారి నవల ‘పూజారి’ ఆధారంగా బి.ఎన్. రెడ్డి దర్శకత్వంలో వచ్చిన సినిమా ‘పూజా ఫలం’ (1964). అక్కినేని, జమున, సావిత్రి, జగ్గయ్య నటించిన ఈ చిత్రానికి మాటలు వ్రాసిందెవరు?
- ఎన్.టి.ఆర్. తొలిసారిగా ద్విపాత్రిభినయం చేసిన ‘రాముడు – భీముడు’ (1964) చిత్రానికి తాపీ చాణక్య దర్శకులు. ఎన్.టి.ఆర్., జమున, రేలంగి, రాజనాల తదితరులు నటించిన ఈ చిత్రంలో లాయర్ పాత్రలో నటించినదెవరు?
- ఎన్.టి.ఆర్. ద్విపాత్రిభినయం చేసిన ‘శ్రీ సత్యనారాయణ మహత్మ్యం’ (1964) చిత్రానికి ఎస్.రజనీకాంత్ దర్శకులు. ఎన్.టి.ఆర్., కృష్ణకుమారి, చలం, కాంతారావు తదితరులు నటించిన ఈ చిత్రంలో భూదేవి పాత్రలో నటించినదెవరు?
- కె. ప్రత్యగాత్మ దర్శకత్వంలో అక్కినేని, సావిత్రి నటించిన ‘మనుషులు – మమతలు’ (1965) సినిమాకి సంగీతం టి. చలపతి రావు అందించారు. ఈ చిత్రానికి కథని అందించినదెవరు?
- ఎం. మల్లికార్జునరావు దర్శకత్వంలో ఎన్.టి.ఆర్., బి. సరోజా దేవి, ఛాయాదేవి నటించిన ‘ప్రమీలార్జునీయం’ (1965) సినిమాలో నారదునిగా నటించినదెవరు?
- కమలాకర కామేశ్వరరావు దర్శకత్వంలో ఎన్.టి.ఆర్., బి. సరోజా దేవి, నాగయ్య నటించిన ‘శకుంతల’ (1966) సినిమాలో దూర్వాస మునిగా నటించినదెవరు?
- ఎవిఎమ్ వారు ఎ.సి.త్రిలోక్‍చందర్ దర్శకత్వంలో ‘అవే కళ్ళు’, ‘అదే కన్గళ్’ పేరుతో తెలుగు, తమిళ భాషలలో ఒకేసారి సినిమాలు తీశారు. తెలుగు వెర్షన్ లో కృష్ణ, కాంచన, రాజనాల, రమణారెడ్డి ప్రధాన పాత్రలలో నటించారు. ఈ సినిమాలో పోలీస్ ఇన్‌స్పెక్టర్ పాత్రలో నటించినదెవరు?
- బి. విఠలాచార్య దర్శకత్వంలో ఎన్.టి.ఆర్., కాంతారావు, జయలలిత, కృష్ణకుమారి నటించిన ‘చిక్కడు దొరకడు’ (1967) సినిమాలో ‘ధర్మపాల మహారాజు’గా నటించినదెవరు?
- వేదాంతం రాఘవయ్య దర్శకత్వంలో అక్కినేని, కాంతారావు, బి. సరోజా దేవి, కృష్ణకుమారి నటించిన ‘రహస్యం’ (1967) సినిమాలో నారదునిగా నటించినదెవరు?
~
ఈ ప్రశ్నలకు జవాబులను 2024 డిసెంబర్ 10వ తేదీ లోపు puzzlesanchika@gmail.com కు మెయిల్ చేయాలి. మెయిల్ సబ్జెక్ట్ లైన్‌లో ‘సినిమా క్విజ్ 118 పూరణ’ అని వ్రాయాలి. గడువు తేదీ దాటాకా వచ్చిన పూరణలు పరిశీలించబడవు. సరైన సమాధానం వ్రాసినవారి పేర్లు, కొత్త క్విజ్‌తో బాటుగా 2024 డిసెంబర్ 15 తేదీన వెలువడతాయి.
సినిమా క్విజ్ 116 జవాబులు:
1.కాంతారావు 2. లక్ష్మీనివాసం (1968) 3. నడమంత్రపు సిరి (1968) 4. కిషోర్ కుమార్ 5. ఎం. ఆజం 6. రామకృష్ణ 7. యద్దనపూడి సులోచనారాణి 8. ఎన్.టి.ఆర్. 9. చంద్రకళ 10. పూవై కృష్ణన్. స్క్రీన్‍ప్లే శాండో చిన్నప్పదేవర్
సినిమా క్విజ్ 116 కి సరైన సమాధానాలు పంపిన వారు:
- ఆకుల కృష్ణప్రియ
- సిహెచ్.వి. బృందావన రావు, నెల్లూరు
- పి.వి.రాజు
- రామకూరు నాగేశ్వరరావు
- రామలింగయ్య టి, తెనాలి
- సునీతా ప్రకాశ్, బెంగుళూరు
- శంభర వెంకట రామ జోగారావు, బెంగుళూరు/ముంబయి
- వనమాల రామలింగాచారి, యాదగిరిగుట్ట
వీరికి అభినందనలు. జవాబులు పంపేవారు, తమ పేరుతో పాటు ఊరి పేరు కూడా వ్రాయగలరు.
గమనిక:
- సినిమా క్విజ్ ఏదైనా ప్రశ్నకు నిర్వాహకులు ఇచ్చిన జవాబు మరొక సరైన జవాబు కూడా ఉన్న సందర్భంలో – ఆ జవాబు రాసిన వారిని కూడా సరైన జవాబులు రాసినవారిగా పరిగణించాము.
- ఈ సినిమా క్విజ్‍కి సంబంధించి ఏవైనా సందేహాలు కలిగితే క్విజ్ నిర్వాహకులు శ్రీనివాసరావు సొంసాళె గారిని 9182112103 లో సంప్రదించగలరు.
- క్విజ్ ఆధారాలకు సంబంధించిన సందేహాలకు క్విజ్ నిర్వాహకులను సంప్రదించాలి. సంచిక మెయిల్ ఐడిలో ఉత్తరప్రత్యుత్తరాలకు తావు లేదు.
