[9 జూన్ 2024 నుంచి వారం వారం సంచికలో వివిధ కవుల సప్తపదులు 25 ప్రచురిస్తున్నాము. సప్తపదుల సృజనకర్త శ్రీ సుధామ. నిర్వహణ: శ్రీ విహారి, శ్రీ శాంతమూర్తి. సప్తపదుల నియమ నిబంధనలూ, పంపవలసిన వారి వాట్సప్ నెంబర్ ఇక్కడ చూడగలరు.]
~
1
వహనం
సంవహనం
మనిషికి గౌరవం, విజయాన్నందించేవి ఓర్పు, సహనం.
ఋష్యశృంగు ఢిల్లేశ్వరరావు
సారవకోట
2
యోగo
భోగం
శారీరకశ్రమ కావాలి లేకున్నా వస్తుంది రోగం..
బలివాడ హరిబాబు
విశాఖపట్నం
3
అదిరింది
ముదిరింది
చూపులు కలిసిన శుభవేళ సంబంధం కుదిరింది.
బలివాడ వేణు గోపాల రావు,
హైదరాబాద్.
4
కాంతం
అయస్కాంతం
పొరపొచ్చాలు లేని కాపురం స్వర్గతుల్యం ఆసాంతం.
క్రొవ్విడి వెంకట బలరామమూర్తి
హైదరాబాద్.
5
నియోగి
యోగి
విశ్వవృత్తము కేంద్రీకరణములో, అగుపించును మూలశక్తిగా ఆదియోగి.
పుష్పవేఙ్కటశర్మా.
భువనేశ్వరము.ఒడిశా.
6
గతము!
అంతర్గతము!!
దాచుకున్న విషయాన్ని ఎప్పుడూ చేయకు బహిర్గతము!!!
మన్నవ నాగ లలిత శ్రీదేవి
విజయవాడ
7
మనువు
అనువు
పరిచయాలు అయిన వెంటనే పెరుగుతుంది చనువు
కానుకొలను లక్ష్మీ సీత
హైదరాబాద్
8
తడబాటు
పొరబాటు
ఆలుమగల మధ్య కీచులాటలు శృతిమించితే ఎడబాటు!
గోపరాజు వెంకట సూర్యనారాయణ
హైదరాబాద్.
9
కోపం
శాపం
ప్రకోపిస్తే రక్తపోటు చూపును తన ప్రతాపం
శేష శైలజ(శైలి),
విశాఖపట్నం
10
సరాగం
విరాగం
శిక్షణలో ఎప్పుడూ అడ్డంకి కారాదు అనురాగం.
పూడిపెద్ది వెంకట సుధారమణ
విశాఖపట్నం
11
విడుపు
మడుపు
వీరుని ఒరలో కత్తులెన్నున్నా ఓరచూపుకు దిగదుడుపు.
బెహరా నాగభూషణరావు,
గజపతినగరం
12
పొదరిల్లు
హరివిల్లు
కుదిరాయిలే ప్రియతమా! కురిపించు నీచూపుల విరిజల్లు
బత్తిన గీతాకుమారి
సత్తుపల్లి
13
తట్టుకుంటుంది
అడ్డుకుంటుంది
మితిమీరిన హింసను భరించలేకుంటే బంధాన్ని త్రుంచుకుంటుంది.
పొన్నాడ వరాహ నరసింహులు,
ఆమదాలవలస.
14
ఆహార్యము
చాతుర్యము
వేషధారణ, మాటనేర్పుల చాటున జరుగుతుంది చౌర్యము
డా. పి.వి. రామ కుమార్
హైదరాబాద్
15
వాగకు
వీగకు
ప్రతిది తెలుసును అనుకొని గర్వంతో విర్రవీగకు.
సింహాద్రి వాణి
విజయవాడ.
16
బాలలు!
లీలలు!
చిరునవ్వుల మోము చూడ వికసించిన పూమాలలు!
యలమర్తి మంజుల
విశాఖపట్నం
17
చనువు
తనువు
హద్దుల్లోనుండాలి అయ్యేదాకా పెద్దల అంగీకారంతో మనువు.
డబ్బీరు ప్రభాకర్,
రాయపూర్.
18
యుక్తి
రక్తి
అసాధ్యాన్ని సుసాధ్యం చేస్తుంది మహిళా శక్తి
డా. పద్మావతి పి.
హైదరాబాద్
19
ఋషులు
కింపురుషులు
ఆనాడు_ అన్నిటా తోడు అండదండగా పురుషులు
అచ్యుతుని రాజ్యశ్రీ
హైదరాబాదు
20
విలాసం
చిద్విలాసం
కష్టించే కూలన్నకు కడుపు నిండితే కైలాసం.
ఆర్ ఎస్ రాజకుమార్
విశాఖపట్నం
21
కూడు
గూడు
అత్యవసరాలు తీరని స్థితిలో కోరుకోవద్దు తోడు
విత్తనాల విజయ కుమార్
హైదరాబాద్
22
ఆటలకా!
పాటలకా!!
దూరదర్శన్ ఎందుకు? పాలక ప్రతిపక్షాల కీచులాటలకా!!!
కృష్ణ తేజ
హైదరాబాద్
23
గెలుపు
మలుపు
అగ్రరాజ్యంలో స్థిరపడిన వలసదారుని మూసుకోబోతున్న తలుపు.
బెహరా నాగభూషణరావు
గజపతినగరం
24
వింటుంది!
అంటుంది!!
ఇష్టం లేనిచో ఇంద్రభవనమైనా ఇరుకుగానే ఉంటుంది!!!
లయన్: కంబాల తిమ్మారెడ్డి
కళ్యాణదుర్గం, అనంతపురం జిల్లా
25
మతి
కృతి
సంసారసారం శ్రీమతి జీవనవ్యాకరణంలోని విసర్గ పురస్కృతి.
డా రామడుగు వేంకటేశ్వర శర్మ.
హైదరాబాదు
~
(మళ్ళీ కలుద్దాం)
