[శ్రీ గోలి మధు రచించిన నాలుగు మినీ కవితలను పాఠకులకు అందిస్తున్నాము.]
1. అంధత్వం
ఓటు కళ్ళకు
నోటు గంతలు కట్టాక
నోట మాట పడిపోయి
నోటు రాజ్యమేలుతోంది!
~
2. దేవాలయం
సుఖం
భయం
నమ్మకాల
వ్యాపార కూడలి!
~
3. బాధ్యత
బాధ్యతల పునాది మీద
అందమైన ఇంటికోసం
వాళ్ళు
తెలిసి తెలియని
బరువు బాధ్యతల్లో
వీళ్ళు
నాణ్యమైన ఇంటికోసం
ఇంట్లో
ఎన్ని తిప్పలో!
~
4. చోద్యం
నేత చీరకు గిరాకీ
అయినా..
నేత బతుకు గిరికీ
అధినేతల పరాకుకు!
