[9 జూన్ 2024 నుంచి వారం వారం సంచికలో వివిధ కవుల సప్తపదులు 25 ప్రచురిస్తున్నాము. సప్తపదుల సృజనకర్త శ్రీ సుధామ. నిర్వహణ: శ్రీ విహారి, శ్రీ శాంతమూర్తి. సప్తపదుల నియమ నిబంధనలూ, పంపవలసిన వారి వాట్సప్ నెంబర్ ఇక్కడ చూడగలరు.]
~
1
భాగ్యం
సౌభాగ్యం
అనుకున్నట్లు జరగక, ప్రతికూలత ఎదురైతే అభాగ్యం
వి నాగమణి
హైదరాబాద్
2
కాయం
న్యాయం
రాముని ధర్మమార్గానికి పశుపక్ష్యాదులూ చేసాయి సాయం..!!
శ్రీమతి భారతీ కృష్ణ
హైదరాబాద్
3
కలుపు
గెలుపు
నడమంత్రపు సిరితో మిడిసిపాటు, అది బలుపు.
పూడిపెద్ది వెంకట సుధారమణ
విశాఖపట్నం
4
కర్మయోగం
జ్ఞానయోగం
ముక్తి సముపార్జనకై నిత్యకర్మగా ఆచరించదగు సంయోగం!
గోపరాజు వెంకట సూర్యనారాయణ
హైదరాబాద్.
5
వేటగాడు
వేషగాడు
అనుభవమనేది సాలెగూడైతే, అనుభూతి ఒక నేతగాడు
శ్రీవాణి
తెనాలి
6
సెగలు
వగలు
పంపకంలో తేడా రూపాయైనా అన్నదమ్ముల పగలు!!
జీ యన్ వీ సత్యనారాయణ
హైదరాబాదు
7
నాడి
మేడి
దేనికైనా ఉండాలి సరి అయిన జోడి.
రాజేశ్వరి కుప్పిలి
విజయనగరం
8
నావి
నీవి
జీవితాన పంచుకున్నట్టి వెలకట్టలేని ప్రతిక్షణమూ మావి!
నరహరి రావు బాపురం
అనంతపురము
9
దాతృత్వము
మిత్రత్వము
కోపాలు జగడాలతో పెట్టుకోకు అందరితో శతృత్వము
ఉదండ్రావు రమణబాబు
నరసన్నపేట
10
శ్రామికుడు
ప్రేమికుడు
దేశంరక్షణ కోసం అహోరాత్రులు శ్రమించేవాడే సైనికుడు
హైమ. కందుకూరి
హైదరాబాద్
11
హోత్రము,
సూత్రము,
పురుషుని జీవితానికొక అర్థాన్ని చేకూరుస్తుంది కళత్రము
దినవహి సత్యవతి
గుంటూరు
12
సమానత్వం
మానవత్వం
అంతరాలులేని తత్వం పెంచును విశ్వమానవ సౌభ్రాతృత్వం..!!
ములగ రాధా కృష్ణ
బొబ్బిలి.
13
రేపు
మాపు
విదేశాలనుంచి పిల్లల రాకకై తల్లిదండ్రుల ఎదురుచూపు
అర్చన కోవూరు
హైదరాబాద్
14
మాన్యులు
సామాన్యులు
నిరంతరం పరుల సేవలో బతికేవారు ధన్యులు
ఆలేటి పరంజ్యోతి
ఖమ్మం
15
కోతలు
మేతలు
వినుతికెక్కిన నేతలు విషపు నవ్వుల పూతలు
కె. చెంచలరావు,
ఒంగోలు
16
వనవాసి
ఆదివాసి
అమాయకత్వం నిర్భయత్వం ప్రేమతో అడవికి సహవాసి
కపిలవాయి అశోక్ బాబు
నాగర్ కర్నూల్
17
పెట్టు
కట్టు
గడప దాటి బయటకు పోనీయకు గుట్టు
సింగీతం విజయలక్ష్మి
చెన్నై
18
అరవడం!
కరవడం!!
జీవితంలో చేసే తప్పు ధర్మాన్ని మరవడం!!!
మన్నవ సుధాకర్
కృష్ణలంక, విజయవాడ
19
పాతకాలు
అహేతుకాలు
ఆపేదెవరు ఆగేదెపుడు ప్రేమ పేరుతో ఘాతుకాలు.
మురళి ఎఱ్రాప్రగడ
పలివెల.
20
విషయము
వినయము
వ్యతిరేక భావాలయినా మెత్తగా వెలిబుచ్చటం నయము
డా.పి.వి.రామ కుమార్
హైదరాబాద్
21
పేరు
ఊరు
ఎంత సంపాదించినా మారకూడదు మనిషి తీరు
ఎస్.గిరిజశివకుమారి
గుంటూరు
22
కలం
హలం
సంకల్పానికి సహనం తోడైతేనే సిద్ధిస్తాయి సకలం!
పట్నాయకుని రామకృష్ణారావు
కంచరపాలెం, విశాఖపట్నం.
23
రాక
పోక
వచ్చేది పోయేది ఎవరికెరుక తగ్గించుకో కాక
(కాక = కోపము)
YLNV ప్రసాద్ రావు,
విఆయనగరం
24
నడవడి
విడివడి
బంధాలకు దూరమవుతారు మంచి నడత కొరవడి
ఇలపావులూరి రాజ్యలక్ష్మి
హైదరాబాద్
25
విషాదం
నిషాదం
కర్మ, జ్ఞాన, యోగముల సమన్వయం గీత, కృష్ణ మోదం!
వీరేశ్వర రావు మూల
అమలాపురం
~
(మళ్ళీ కలుద్దాం)
