[box type=’note’ fontsize=’16’] దేశాన్ని నాశనం చేసే ఎన్నో తీవ్రమైన సమస్యలు ఉన్నా, సరైన సమయంలో పట్టించుకోకుండా, నష్టం జరిగాకా ఆవేశం నటించడం తప్పని అంటున్నారు బుసిరాజు లక్ష్మీదేవి దేశాయి. [/box]
దేశమ్ము నందు కడు తీవ్రసమస్య లున్న,
న్నాశమ్ముఁ జేయునను నైజమెఱింగి, యందే
లేశమ్ము చింతనము లేక సుఖించి, నేడా
వేశమ్ముఁ బూని యిట వేషము వేయుటేలో?
తప్పెల్ల నీదనగఁ దప్పన నీదెయంచున్
ముప్పన్ని చోటులను ముంచుట చూచువారల్
నొప్పన్నదౌ యెఱుక నోచని వారె కాదే?
చెప్పేటి వీరలకు చిక్కులఁ దీర్చనౌనే?
వాదమ్ము తోడుతను పంతముఁ బట్టు వీరల్ –
భేదమ్ము పెంచుటయె పేర్మిగ నేటి నేతల్ ;
కాదంచు నౌననుచు ఘర్షణఁ బెంచు రీతుల్! !
లేదెట్టి యత్నమిట లేవొకొ శాంతి చేతల్? ?
జన్మంబు తామెఱిగి చక్కనిదొక్కటంచున్
జన్మించి పృథ్వినొక సాధనఁజేయలేరో?
తన్మాత్ర సాధనలఁ దప్పగు రీతులందీ
షణ్మాత్ర చింత విడి సాగుట పాడి యౌనే! !
పంతమ్ముఁ బట్టి పలు బాధలఁబెట్టు ద్రోహుల్
హంతవ్యులై జనుల హత్యలఁ జేయునాడే
యంతమ్ముఁ బొందగల యత్నము లేనిచో, యే
శాంతమ్ముఁ జూడనగు సాత్వికలోకవాసుల్?
