వెలుగును అంతటా ప్రసరింప చేయాలని,
సూర్యుని చూసి నేర్చుకున్నాను.
అన్ని సమయాల్లోనూ చల్లగా ఎలా ఉండాలో,
ఆ చల్లని గాలిని చూసి నేర్చుకున్నాను.
తన కొమ్మ రెమ్మలు విరిచినా,
నీడనిచ్చి, ఆకలి తీర్చే గుణాన్ని ఆ చెట్టును చూసి నేర్చుకున్నాను.
ఎంత మలినాలను కలబోసినా,
స్వచ్ఛతను చూపే నీటిని చూసి నేర్చుకున్నాను.
అణగద్రొక్కే వారిని ఆదరించాలని,
ఈ భూమాతను చూసి నేర్చుకున్నాను.
మాలిన్యం లేని వారిగా ఉండాలని…
అగ్నిని చూసి నేర్చుకున్నాను.
విశాలదృక్ఫథంతో
చేతనైన సాయమందించగల
అదృశ్యకరాలతో
ప్రకృతి కి మారురూపులా నన్ను నేను తీర్చిదిద్దుకొంటున్నాను.
