[dropcap]త[/dropcap]నది కాని భూమిలో
రెక్కల కష్టం చేసి –
పలితం కోసం –
ఆకాశం చూసే
ఆశాజీవి
కౌలు రైతు!!
విధి వెక్కిరించినా,
ప్రకృతి కన్నెర చేసినా,
తన కష్టం నేలపాలు –
భూమి యజమాని
దయా దాక్షిణ్యం కోసం
వేడుకోలు!!
కాయకష్టమే
పెట్టుబడిగా-
ప్రకృతిపై
నమ్మకమే జీవితంగా
బ్రతికే అనధికార
ఉద్యోగి
కౌలు రైతు!!
రుణం మాఫీ అయినా,
రైతు బంధు అయినా,
రైతు సంక్షేమ పథకం
అయినా-
అనుభవించలేని
దురదృష్టవంతుడు
ఈ కౌలు రైతు!!
పుండు మీద పుట్ర-
నకిలీ విత్తనాలు,
సారంలేని ఎరువులు.
అన్నిటినీ అధిగమించి
చేతికివచ్చే ఫలసాయం
గుర్రంపై స్వారీ –
కౌలు రైతు
జీవితంపై సవారీ!!
