క్రాంతి నేత

[dropcap]న[/dropcap]ల్ల బంగారాన్ని వెలికితీసి –
లోకానికి వెలుగులు పంచుతున్న వాడు!
పట్టాలు పట్టు తప్పకుండా పరిరక్షిస్తూ –
ప్రయాణీకుల ప్రాణాలకు రక్షకుడైన వాడు!
పొద్దున్నే చద్దిముద్దై చౌరస్తాలో-
రేపటి నిర్మాణం కోసం నిరీక్షిస్తున్న వాడు!
నడ్డిని కాటాగా చేసుకొని –
మార్కెట్ యార్డులో బరువైన బస్తా అయినవాడు!
కంటిమీద కునుకును మర్చిపోయి-
రహదారిని శోధిస్తూ, రథాన్ని గమ్యానికి క్షేమంగా చేర్చేవాడు!
విశ్వాన్నే తన శ్రమ శక్తితో
ముందుకు నడిపిస్తున్నవాడు!
ప్రగతి పథగామి వాడు!
కార్యదీక్షా దక్షుడు వాడు!
అతనే జగానికి క్రాంతి నేత!
అతనే జనానికి శాంతి దూత!