[dropcap]సం[/dropcap]చిక పాఠకుల కోసం శ్రీ వారాల ఆనంద్ రచించిన 8 హైకూలను అందిస్తున్నాము
1)
ఎవరో పాడుతున్నారు
నిద్ర ముంచుకొస్తోంది
జోల పాటో ప్రేమ పాటో
~
2)
నీటి పైన రాయి పడింది
క్షణం అలలు సుళ్ళు తిరిగాయి
తర్వాత అంతా నిశ్శబ్దం
~
3)
మోసపోవడం విసుగనిపిస్తోంది
జీవితంలో
ఎన్ని సార్లని ఎన్ని తీర్లని
~
4)
పశ్చిమాన సూర్యుడు కుంగుతున్నాడు
నీడలు
తూర్పున పరుచుకున్నాయి
~
5)
వారం రోజులుగా
ఒకటే వర్షం
ముసురు మళ్ళీ ఊపిరి పోసుకుంది
~
6)
కను రెప్పలు మూయగానే
మనసు రెక్కలు విచ్చుకుంది
బయట చీకటి లోన వెల్తురు
~
7)
గడియారం చౌరాస్తాలో గంట మోగింది
మా వూరి ముఖచిత్రం
నా ముఖం మీద బాల్యపు చిరునవ్వు
~
8)
జాతరా గ్రౌండు నిండా
ఇంద్రధనుస్సు వర్ణాలు
పొంగుతున్న పడుచు పర్వాలు
