[dropcap]మ[/dropcap]నిషి మనిషి మధ్యన
ఏదో తెలియని బంధం
అల్లుకుని ప్రవహిస్తే
దొరుకుతుంది అంతు తెలియని అనుభూతి
కులంతో సంబంధం లేదు
మతంతో ముడి ఉండదు
గుడిసా, బంగ్లానా, దేశమా, విదేశమా
ఎక్కడ ఉంటున్నావన్నది అసలు అక్కర్లేదు
మానసిక అనుబంధం ఒక్కటి చాలు
వరుసలతో పని లేనే లేదు
సంబంధం పేరు ఏదైనా
విడివడని ప్రేమ ఒక్కటి చాలు
నీలో నాలో అందరిలో అదే చేరితే
ఇక లేనిది ఏముంది
నువ్వే ఆలోచించు
ఏ కష్టం ఎవరికి వచ్చినా పంచుకునే వాళ్ళెందరో
ఏమంటావు?
తీయని కట్టివేతకు సిద్ధమేనా?
