[dropcap]’స[/dropcap]రిగ పదమని’ (మన రెక్కలు) అనే శీర్షికతో సంచిక పాఠకులకు రెక్కలని అందిస్తున్నారు పురాణం శ్రీనివాస శాస్త్రి.
~ ~
నిన్న నుంచి
నేడు లోకి
ప్రయాణం
పని తోనే –
ప్రపంచమైనా, కుటుంబమైనా
ఒంటరైనా, జంటైనా..!
~ ~
బతుకు నుంచి
విముక్తి –
అందుకే చావు
వెనుక విరక్తి –
విరక్తితో విముక్తి కాదు –
కావలసింది అనురక్తి!
~ ~
ఆధ్యాత్మికుడిది
ప్రశ్నలేని జవాబు
ఆలోచనాపరుడిది
జవాబు కోరే ప్రశ్న –
బతుకు వెతుకులాట
ఇద్దరి తండ్లాట!
~ ~
వృత్తులు కులాలై
కాపు చేలో
మేకలు మేస్తే
కత్తుల కోలాటం!
గ్రామీణ వెతల
భారతం ‘బహుళ’!
