కాలగమనంలో
మరో యేడుకరిగిపోయింది
కాలం కాన్వాసుపై
కొంతభాగం చెరిగిపోయింది
ఉన్నంతలో కొంత ఆయుష్షు తరిగిపోయింది
జీవిత సత్యాన్ని విస్మరించిన ఓ మనిషీ !
జీవన తత్వాన్ని తెలుసుకో !!
‘హేవిళంబి’పంచిన మంచీ చెడుల్ని
బేరీజు వేసుకుంటూ
సంక్షేమాన్ని కాంక్షిస్తూ
‘విళంబి’ని ఆహ్వానించు
అవరోధాలను అధిగమించు
ఉన్మాదాన్ని వ్యతిరేకించు
ప్రేమనుపెంచు,కరుణనుపంచు
అసహనాన్ని తుంచు
అన్ని చెడులనూ విసర్జించు
మంచిని మాత్రమే స్వీకరించు
విలువలను ఆచరించు
పుడమిపైశాంతిని ప్రతిష్టించు
సత్యధర్మ స్థాపనకు ప్రయత్నించు
విశ్వప్రభువుకు భయపడుతూ
జీవన యానం సాగించు
జయం నీదే… విజయం నీదే..!
ఇహ పర సాఫల్యం నీదే..నీదే..!!
యండి.ఉస్మాన్ ఖాన్
