[dropcap]ఓ[/dropcap] మనిషీ,కంటిముందు
ఎదుగుతున్న మొక్కను చూడు
బోధపడుతుంది జీవిత సత్యం
విత్తునాటి నీరుపోసి వేచిచూడు కొద్దికాలం
మట్టిలోనుంచి వచ్చే చిగురును చూసినపుడు
కలుగును కదా ఎనలేని సంతోషం
కొమ్మలు రెమ్మలుగా విస్తరించినపుడు
మనకు తోచును ఏదో సందేశమిచ్చినట్టు
పూలు పూచి మనసును మురిపించును కొన్ని
ఆ పూలనుంచి పిందెలు కాచి కూరగాయలు పండ్లుగా మారును కొన్ని
విత్తును నాటి ప్రాణం పోసింది నేనే అని మురిసిపోతాము
మొక్కలను సంరక్షించి చీడపీడలనుంచి కాపాడి నపుడు
మన కన్న బిడ్డలనే పెంచినట్టు కలుగుతుంది ఆనందం
మొక్కలు మనకు ఆహారము ఇస్తాయి మంచి వాతావరణం
మనసుకు ఆహ్లాదం కలిగిస్తాయి మనకోసం ఎన్నో ఇస్తాయి
కన్నబిడ్డలు రెక్కలువచ్చి ఎగిరిపోయే పక్షులు వంటివారు అయితే
మొక్కలు మనతో ఉండి అనుక్షణం పలకరిస్తూ ఆనందం కలిగిస్తాయి
పుట్టుకనిచ్చే ప్రకృతి పాఠాలు నేర్పుతుంది
మనిషి మనుగడకు పరమార్ధం బోధిస్తుంది.
అందుకే మట్టిని ప్రకృతిని ప్రేమిద్దాం
పచ్చని తోటలో సేద దీరుదాం!
