[dropcap]ఈ [/dropcap]నిశబ్ద వేళలో
ఈ గాలి నీ వర్ణ చిత్రాలను
ఆకాశంపై గీస్తున్నది
ఆ సంధ్య కొంగల అందెలు తొడిగినది
అడివిలో సెలయేరు
సాయంత్రపు పాటలను పాడుతూ
పరుగులు తీస్తున్నది
నీడలు చెట్లల్లో
తల్లుల చెంత పిల్లల్లా
ముడుక్కుంటున్నవి
నీ పెదాలతో నా నోరు తీపి చేసే ఈ వేళ
సూర్యుడు పశ్చిమ కొండల్లో
తేనె పువ్వులా పూస్తున్నాడు
ఇలా చెంత నిలిచి
నా గుండెల లోపల సంచరించే చీకట్లలో
దీపం వెలిగించవా
అప్పుడు ఈ ప్రాణం నువ్వు కట్టిన శాశ్వత స్వర్గం.
