[dropcap]ము[/dropcap]వ్వన్నెల పతాక, ఇది
త్యాగధనుల కానుక
పువ్వులు కురిసినట్టు
నవ్వులు విరిసినట్టు
గలగల పారినట్టు
జలజల సాగినట్టు
జనులంతా కలిసిపోయె
జగమంతా మురిసిపోయె ॥మువ్వన్నెల॥
మానవతా మూర్తులారా
మహిమాన్విత చరితులారా
మీ స్ఫూర్తి భావాలే
మా స్వేచ్ఛాగానాలు
మమత, సమత వాదులారా
క్రాంతి శాంతి కాముకులారా
మీ నియతి వాక్కులే, మా ప్రగతి బాటలు ॥మువ్వన్నెల॥
మనసుల్లో మాలిన్యం
మనుగడలో కపటత్వం
పోవాలి, వదలి పోవాలి
విశాలాంబర తేజం
వసుధైక కుటుంబం
రావాలీ, పరమావధి కావాలి ॥మువ్వన్నెల॥
