[dropcap]ఓ[/dropcap] ఆలోచనా కాస్త ఆగవా
నేను శ్వాస తీసుకోవాలి.
ఓ కాలమా కాస్త ఆగవా
నన్ను నేను పరిశీలించుకోవాలి.
ఓ ఇంద్రియమా కాస్త ఆగవా
నా మనసుకు దారి వెతుక్కోవాలి.
ఓ ఉదయమా కాస్త ఆగవా
నాలో కల్మషాల్ని కడిగివేయాలి.
ఓ ఋతువా కాస్త ఆగవా
నేను రంగు మూలల్ని కనుక్కోవాలి.
ఓ ఆకాలా కాస్త ఆగవా
నేను అమ్మతత్వం అర్థం చేసుకోవాలి.
ఓ దాహమా కాస్త ఆగవా
నేను అమృతత్వం తోడు కోవాలి.
ఓ అసహనమా కాస్త ఆగవా
నేను గురు చరణాల్ని సేవించుకోవాలి.
ఓ కత్రుత్వమా కాస్త ఆగవా
నేను అభయహస్తాన్ని ఆశ్రయించాలి.
ఓ ద్వందమా కాస్త ఆగవా
నేను ఒక్కటిలో లీనమైపోవాలి.
