[అంతర్జాతీయ మహిళా దినోత్సవం సందర్భంగా ఈ కవితని అందిస్తున్నారు డా. కె.ఎల్.వి. ప్రసాద్]
[dropcap]అ[/dropcap]వును..
వాళ్లిద్దరూ అంతే!
వాళ్లిద్దరికీ
నేను ఎంత ఇష్టమైన
వాడినో..!
నన్ను వాళ్లు
అసలు కష్టపడనివ్వరు
నేను బాధపడుతుంటే
అసలు ఓర్చుకోలేరు!
నా ఇష్టాలనే
వాళ్ల ఇష్టాలుగా
మార్చుకుంటారు!
నా ఆనందమే
వాళ్ల పరమానందంగా
భావిస్తారు..!
వాళ్లిద్దరి ప్రేమలో
నేను..
తడిసిముద్దయ్ –
పోతుంటాను..!
నా బ్రతుకంతా
ఇలా వారిద్దరి ప్రేమతో
సాగిపోవాలని కోరుకుంటా ,
వాళ్లకు సుఖమయ జీవితం
ఇవ్వాలని
ఆ దేవుడిని వేడుకుంటా..
ఇంతకీ..
ఆ ఇద్దరు ప్రేమమూర్తులూ
ఎవరంటా.. ఇంకెవరు.
ఒకరు నా సతీమణి..!
తర్వాత ఎవరుంటారు..
నా.. కూతురే..!!
