[dropcap]పు[/dropcap]ట్టుకతో అందరూ సమానమేగా
భాగ్యవంతులని, బీదవారని ఉండదు కదా.
సమాజంలో కొందరు బీదవారు ఎందుకు అయ్యారు
కొందరు మధ్యస్తంలో, మరి కొందరు వీరికన్నా ఎక్కువ స్థాయి
కొందరు అతి భాగ్యవంతులు ఎందుకు అయ్యారు
కారణమెవరు? దేవుడా? సమాజమా?
జంతుజాలం, పశు పక్ష్యాదులలో లేని అసమానతలు మానవులలో ఎందుకు?
బీద వారికి దానం, ధర్మం చేయాలనే ఉవాచ
ఎందుకు వచ్చినట్లు?
మానవులందరు సమానమైన నాడు దాన ధర్మాల ప్రసక్తే ఉద్భవించదే.
జంతుజాలం, పశు పక్ష్యాదులలో ఈ అవసరం వుండదే?
ఆకలేస్తుంది, తినటానికి లేదు
చేతిలో డబ్బులు లేవు.
చేయటానికి పని లేదు.
మరేమి చేయాలి?
వున్నవి రెండే మార్గాలు
అడుక్కోవటం. లేదా దొంగతనాలు చేయటం
ఈ పరిస్థితి నాకే ఎందుకు వచ్చింది?
ఇది బీదవాని పరిస్థితి నేటి సమాజంలో.
సమ సమాజం ఎన్నటికీ ఏర్పడదా?
సమ సమాజం ఏర్పడే రోజుకోసం ఎదురు చూద్దాం.
