[శ్రీమతి ఆర్. శ్రీవాణీశర్మ రచించిన ‘బంధం ఏమిటి’ అనే భావగీతం పాఠకులకి అందిస్తున్నాము.]
[dropcap]బం[/dropcap]ధం ఏమిటి నీకు నాకు?
రేయిని నేనైతే పవలువు నువ్వు
నీ రాకతో నన్ను కరిగిస్తావు
పరుగిడి నేవస్తే మరుగౌతావు.. ||బంధం||
బింబము దాగదు అద్దము లోపల
అలలే ఆగవు తీరపు తిన్నెల..
ఎదురుచూపులే మధువులు నింపెను
విరహ బాధలే హాయిని పెంచెను.. ||బంధం||
శిశిరము కనలేదు ఆమని చివురుల
శిలలే వినలేవు నది సరిగమలా..
కలయికే విషమౌనా అమర ప్రేమల?
కలవని ప్రేమే చరితగ మిగులున?.. ||బంధం||
