[శ్రీ పెద్దాడ సత్యప్రసాద్ రచించిన ‘ఆమని ఎదురైనా..!’ అనే కవితని పాఠకులకి అందిస్తున్నాము.]
[dropcap]ఇ[/dropcap]ది వసంతమని
తెలియదు నాకు
ఆమని ఎదురైనా
ఏమని అడిగే
అమాయకత్వం నాది
కమ్మని కోయిల గానంతో
వసంతమని తెలిసింది
పచ్చని చిగురుల పలకరింపుతో
వచ్చినది ఆమని అనిపించింది
వెచ్చని నీ ప్రేమ
ఆ అనుభవాన్ని నాకు పంచింది
ఇచ్చటనే సుఖముందని
అచ్చంగా చెప్పింది
ఇష్టంగా నీతోనే
వేయి జన్మలకు ముడిపడింది
సమస్త వైభోగాలూ
నీకు సాటి రావని తెలిసింది.
