అభిసారిక

[డా. బాలాజీ దీక్షితులు పి.వి. రచించిన ‘అభిసారిక’ అనే కవితని పాఠకులకు అందిస్తున్నాము.]

[dropcap]వి[/dropcap]ప్పారిన కలువలు
నీ చూపులు
నా ఎదమాటున చేసే
సందడి.. అంత.. ఇంత కాదు

గులాబీ రేకులు
నీ పెదవులు
ఏదో అమృతం ధారతో నను తడిపి
చేసే ఆనందం.. అంత.. ఇంత కాదు

నీలో
పొంగులు పాల ధారలా
వంపుల నుండి కారుతూ
నిప్పుల ఎదను
సొంపుల పొదను
నిలువెల్లా తడిపిన.. నిను చూస్తూ
నాలో జరిగే
యవ్వన సందడి.. అంత.. ఇంత కాదు

నీవు అభిసారికవని
నా భావ మరీచికవని
నీవు జలపాతపు జాతరవని
నా భావ చంద్రికవని
ఆనందపడి
ప్రేమ జాగారం చేస్తున్నా.. నీ కోసం