[dropcap]న[/dropcap]రనరానా దహిస్తూ
పిడికిళ్ళెత్తి
అన్యాయాన్ని ఎదిరించే ఆయుధం
ఒక్క నీలికళ్ళ
చూపుతో మనసుని
తంపట కాచే చలిమంట
ఖాళీ కడుపున పరుగెత్తి
నాలుక కళ్ళను పిడచకట్టించే
ఆకటి చిచ్చు
అహంకారపు చీకటి ముసుగును చీల్చి
కాసింత జ్ఞానాన్ని రగిల్చే
చిరుదివ్వె
కాగిస్తూ ప్రతి సమ్మెట దెబ్బనీ
పదునెక్కిస్తూ ఇనుప ముక్కలనీ
ఆయుథాల్ని గా మలిచే జ్వాల
ఆకాశపు చీకటి దుప్పటిలో
రువ్వి వెదజల్లిన
నక్షత్ర సమూహపు వజ్ర రాశి
నులివెచ్చని ప్రేమ నుంచీ
కన్నీటి జ్వాలదాకా
కడలి నుంచీ
కవనం దాకా
బహురూపిలా…
