[కేంద్ర సాహిత్య అకాడమీ అనువాద పురస్కార గ్రహీత శ్రీ ఎలనాగ సంచిక పాఠకుల కోసం ప్రత్యేకంగా జాతీయ, అంతర్జాతీయ కవితలని అనువదించి ‘అనువాద మధు బిందువులు’ పేరిట అందిస్తున్నారు.]
నోటుపుస్తకపు పుటల్లో
~
[dropcap]చ[/dropcap]క్కెర రేణువులో చక్కగా నర్తిస్తుంది
పచ్చని చెఱకుతోట
ఉప్పురవ్వలో గుసగుసలాడుతుంది
నీలి సముద్రం
ముతక లోహాలు నిండిన మట్టి
ఇనుపమేకులో మంద్రమంద్రంగా పాడుతుంది
నోటుపుస్తకపు పుటమీద
దట్టమైన అడవి ఒకేవస్తువై నిల్చుంటుంది,
అక్షరాల వెనుక దాక్కున్న
ఆకాశాన్ని చూసేందుకు
మరాఠీ మూలం: ప్రఫుల్ శిలేదార్
ఆంగ్లానువాదం: మాయా పండిట్
తెలుగు సేత: ఎలనాగ
