[dropcap]చా[/dropcap]వా శివకోటి గారి నాలుగు మినీ కవితలను పాఠకులకు అందిస్తున్నాము.
1.
దేవుడూ
నువ్వున్నావని
ఉంటావని
రాళ్ళల్లో రప్పల్లో
శూన్యాన
వెతికి వెతికి వేసారాను.
నా పిచ్చి గాని
మనిషి మది నున్న నువ్వు
ఎక్కడో ఎందుకుంటావు?
***
2.
ఈ పుడమి నిశ్చలం
మిగిలిందంతా చరాచరం
అవును, చలించాలి
ఆ చలనమే ప్రగతి
అదే మానుషత
జీవన మాధుర్యం.
***
3.
నా కలం సేద్యగాని ‘హలం’ కావాలి
సంక్రాంతి భోగి మంట
అరాచకీయాల్ని తగలేయ్యాలి
పచ్చని పైరుకి ‘మంచె’ను కావాలి
పాలెగాని చేలు ఆకుచుట్టును కావాలి.
***
4.
మనిషి కదలాలి
కదిలి ఎదగాలి
ఎదుగుతూ ఒదగాలి
పచ్చగ పదికాలాల పాటు
