[dropcap]బొ[/dropcap]మ్మలు, బొమ్మలు, బొమ్మలు
ముద్దులొలికే బొమ్మలు
అందం కోసం, ఆనందం కోసం ఈ బొమ్మలు
ఆత్మీయతకూ, అనురాగానికి ఈ బొమ్మలు ॥బొమ్మలు॥
రంగు రంగుల బొమ్మలు
రకరకాల బొమ్మలు
కొయ్య బొమ్మలూ, మట్టి బొమ్మలు
కదిలే బొమ్మలు, కదలనీ బొమ్మలు
మాట్లాడే బొమ్మలూ, మనసైన బొమ్మలు
నిర్మలమైన బొమ్మలూ, నిఖిలమైన బొమ్మలు
బొమ్మలు… బొమ్మలు ॥బొమ్మలు॥
ఏనుగు అంబారీలపై ఊరేగే బొమ్మలు
గుర్రాలై పరుగులు దీసే పసందైన బొమ్మలు
నర్తకిలై నర్తించే నాజూకు బొమ్మలు
బొమ్మలు… బొమ్మలు ॥బొమ్మలు॥
కొబ్బరాకుల అల్లికతో కొత్త కొత్త బొమ్మలు
పిచ్చుక గూళ్ళలో నిలిచే ఇసుక బొమ్మలు
చిత్ర చిత్రాల చిత్తరువులై చిత్తాన్ని దోచే బొమ్మలు
బొమ్మలు… బొమ్మలు ॥బొమ్మలు॥
దసరా పండుగ వచ్చిందంటే
కొలువు దీరే బొమ్మలు
పండగ సందడి చేసే బొమ్మలు
కన్నులు… బొమ్మలు… బొమ్మలూ
బొమ్మలు… బొమ్మలు… బొమ్మలు
మురిపించె బొమ్మలు, మైమరిపించే బొమ్మలు ॥బొమ్మలు॥
