[dropcap]చి[/dropcap]గురాకులలో దాగిన చిలకమ్మా…. చిన్నమాట చెప్పి పోవమ్మా..!
నీకింత అందమైన రూపం ఎలా వచ్చేనమ్మా…..?
నేను తిన్న తీయని జామపండు వల్లన.!
ముచ్చటైన నీ ముక్కుకు ఎరుపు రంగు ఎందుకమ్మా?
నన్ను చేరదీసిన చిట్టిచేతుల చలువ వల్లన.!
మాటలెన్నో నేర్చావు బదులు పలుకుతుంటావు ఎందువలనా?
చెట్టు కొమ్మలపై స్చేచ్ఛగా విహరించినందువల్లన.!
రామరామ అంటావు రామభజన చేస్తావు ఎలాగమ్మా?
రాముని వనవాస సమయాన ఆశ్రమములో సీతమ్మ వద్ద నేర్చుకున్నాను.!
ప్రేమతో చేరవస్తావు ప్రియమైన మాటలు చెబుతావు నీకెవరు సాటి?
మంచివారైన నిస్వార్థపరుల సావాసం వలన తెలుసుకున్నాను.
అందాలతో నీకెవరు లేరు పోటీ రాలేరు నీ పలుకులకు సాటి?
నా జాతి ధర్మం నేను నిర్వర్తించాను నాగొప్పతనం కాదు.
గోరింకతో చెలిమి చేస్తావు ఇదేమి విడ్డురం?
పక్షిజాతి అంతా ఒక్కటే మీమనుషులకే భేదభావం!
మంచికి బాట వేశావు నిన్నుచూసి నేర్చుకోవాలి అందరూ…..
ప్రకృతే మనకు నేర్పుతుంది పాఠాలు…..
నేర్చుకుంటే జరుగుతుంది మేలు. లేకుంటే నష్టపోయేది మనమే!
