[dropcap]అ[/dropcap]ర్థం చేసుకుంటే
అందరం సేఫ్…
అలసత్వం చూపిస్తే
అంతా గల్లంతే…!
అతిగా చెబితే….
భయపెడుతున్నారంటారు,
అంతంత మాత్రం చెబితే,
ముందుచూపు
లేదంటారు…
ప్రభుత్వం,
ప్రకటనలు చేస్తే,
వేళాకోళంగా
తీసుకుంటారు.
మిడి.. మిడి.. జ్ఞానం
వేదాంతులు చేప్పే,
వదంతులకు మాత్రం,
వినయంగా…
విలువనిస్తారు!
ప్రస్తుతానికి-
మందులు మాకులులేని
కరోనా వైరస్ అంటువ్యాధిని,
అరికట్టడానికి
ఉన్నది ఒకటే మార్గం!
మనిషికీ మనిషికీ
భౌతిక దూరం ఆవశ్యం,
పిల్లలు వృద్ధులు
ఇంటికి అంకితం కావడం,
ఆరోగ్యకరం…!
సామాజిక బాధ్యతలకు
ప్రాధాన్యతనిచ్చి,
తీసుకోవాల్సిన జాగ్రత్తలను,
పటిష్టంగా పాటించగలగడమే,
మన ముందున్న కర్తవ్యం!
చిన్న.. చిన్న.. అసౌకర్యాలకు,
మంచి మనసుతో
సహకరించడం మన విధి!!