[శ్రీ గోలి మధు రచించిన నాలుగు మినీ కవితలను పాఠకులకు అందిస్తున్నాము.]
1. ధ్యానం
ఆలోచనలకు బానిసై
కుదురుగా ఓ చోట
కూర్చోవడమనే
ఇష్టం లేని పనిని
మనసుతో చేయించడం!
~
2. దుఃఖం
పండిన తలలన్నీ
తరలిపోతుంటే
తెరలు తెరలుగా
తన్నుకు రావలసిన దుఃఖాన్ని
స్వార్థపు కారుమేఘం కమ్మేస్తుంది
ఇక్కడ దుఃఖమంటే
ఆప్యాయతా పరిమళం కదూ
ఇప్పుడు దుఃఖమంటే
కరడుగట్టిన స్వార్థం కదూ!
~
3. స్నేహితుడు
రక్త సంబంధాల్లేని
ఆత్మ బంధువు!
~
4. సత్యం
మోహపు సౌధం
భ్రమల భవనం
కుప్పకూలాక
మనో శిఖరం చేరేది!
