గోవిందుడా మా గోవిందుడా

[dropcap]కో[/dropcap]టి క్రోసుల దూరన కొండలపై వెలిగేవు
గోవిందుడా ఓ గోవిందుడా
కొంగు బంగారమై మా కోరికలు తీర్చేవు
గోవిందుడా మా గోవిందుడా
అచంచలమై అలసటయే లేక నిలిచేవు మా కొరకు
గోవిందుడా ఓ గోవిందుడా
చంచలమైన మా చిత్తాలు చూసి చిరునవ్వు నవ్వేవు
గోవిందుడా మా గోవిందుడా

కలిమిలో మేము కన్నెర్ర చేసెము లేమిలో కన్నీరు కార్చేము
గోవిందుడా ఓ గోవిందుడా
కలిమిలేములందు సమదృష్టి నిచ్చి మమ్ము కాపాడుమా
గోవిందుడా మా గోవిందుడా

కొండకోనల కదిలేము నీ నామజపము తోడుగా
గోవిందుడా ఓ గోవిందుడా
కొండంత అండవై కనుచూపు మేరలో కదలాడుమా
గోవిందుడా మా గోవిందుడా

అన్నమయ్యలము గాము మేమల్పజీవులము
గోవిందుడా ఓ గోవిందుడా
సంకీర్తనలు రావు సంసార భాదలే బహు బాగా కూర్చేము
గోవిందుడా మా గోవిందుడా

నీలి మణిమాణిక్యాదులు నీకివ్వలేము కానుకగా
గోవిందుడా ఓ గోవిందుడా
మెరిసేటి మా తలనీలాలే గ్రహియింపు మా మొక్కులుగా
గోవిందుడా మా గోవిందుడా

గోవిందుడా ఓ గోవిందుడా
గోవిందుడా మా గోవిందుడా

గోవిందుడా ఓ గోవిందుడా
గోవిందుడా మా గోవిందుడా