[dropcap]ఎం[/dropcap]డ.. ఎండ.. ఎండ…
మండు తున్న ఎండ
మనిషిని ,
పశు పక్ష్యాదులను
మాడ్చి మసిచేస్తున్న ఎండ!
ఎండకు ఎండిపోతున్న
బావులు… కుంటలు
అడుగంటి పోతున్న
భూగర్భ జలాలు!
ఆశగా ఆకాశం వైపు
నాలుగు చినుకులు
రాల్తాయేమోనని
రైతన్న ఎదురు చూపులు!
బిందెడు మంచినీళ్ళ కొసం
చేతి పంపు దగ్గర
బారులు తీరిన
మహిళా మణులు!
కాలాన్ని సొమ్ము చేసు కోడానికి
దారి పొడవునా
రంగు రంగుల
శీతల పానీయాల బండ్లు
ఎండకు తోడయిన
తోబుట్టువు లాంటి
వ్యధా భరిత దృశ్యాలు!
పత్రికలూ ….
ప్రసార మాధ్యమాలూ
పుండు మీద కారం చల్లినట్టు
నాయకులు వేదాలు వల్లించి నట్లు
రేటింగుల షూటింగుల్లో
పోటీ పడుతూనే వుంటై ….!!
