[dropcap]ఇం[/dropcap]టింటికీ ఆప్తుడు అందరికీ ఆత్మీయుడు.
‘పాడుతా తీయగా’కి ఆద్యుడు.
‘స్వరాభిషేకా’నికి మకుటాయమానమైన చక్రవర్తి ఆతడు.
పాటకు పట్టంకట్టిన మహోన్నతుడు.
అమృతాన్ని గానంలో ముంచి పంచిన మధుర గాయకుడు.
అతడు అల్లరిచేసే బాలు సంగీతానికి అలంకారాలు చేసిన గొప్ప ‘బాసు’.
బాలు పాటలు ఆకాశంలో ప్రకాశించే ఉజ్జ్వల తారలు.
ఆ మాటల మాంత్రికుని మాయలో వలపులో పడని గాన ప్రియులు ఎవరు?
ఆయన కృషి పట్టుదల ఎందరికో సోపానాలు.
మీరు చేసిన శిల్పాలు ఎన్నివున్నా మీకు మీరే సాటి. మీకు లేదు పోటీ.
మీ కీర్తి హిమాలయ శిఖరం మీ గానం నటరాజుకు నీరాజనం.
పాటలకు పట్టంకట్టి ప్రజల హృదయాలలో కొలువైవున్న బాలూ గారూ
మీ వయసే మాకు గుర్తుకురాలేదు ఏనాడూ…..
అందుకే ఏ పాటనైనా ఏ వయసువారైనా….ఆస్వాదించారు.
అందుకే నమ్మలేకపోతున్నాం మీరు లేరని…..
జగతిపై నడయాడిన గానగంధర్వా మాకు
అమృతాన్నిపంచి తిరిగి నీలోకానికి చేరుకున్నావా….
నాకిష్టమైన పాటల్లో ఏయే పారిజాతమ్ములీయగలము….
మదిలోదాచుకున్న మధురోహలు తప్ప…
వెలకట్టలేని బంగారుగనులు మీ పాటలు…..
మాటల్లో చెప్పలేక గుండెలోతుల దాచుకున్న గౌరవాభిమానాలు తప్ప……
అక్షరాంజలితో ……
ఒక అభిమాని.
