[box type=’note’ fontsize=’16’] “ప్రపంచాన్ని చుట్టేది సూర్యుడేనా? తాజా వార్తల కోసం న్యూస్ ఛానెళ్లు” అంటూ ఎనిమిది నానీలు అందిస్తున్నారు కె. కవిత. [/box]
-
నురగలు కక్కేది
సముద్రమే కాదు
షాంపూ రుద్దిన
తలకూడా…* -
తేదీల ఆకుల్ని రాల్చుతూ
మళ్ళీ చిగురిస్తూ…
గోడ మీది
క్యాలండర్ చెట్టు* -
కత్తెర కుట్టుమిషన్లకు
ఎంత తీరికో
తమ దర్జీ బాస్ కు
పనిలేక* -
సమయ పాలనకు
ప్రతీకగా
సాయంకాలం
బుల్లితెర సీరియళ్లు* -
దేవుళ్లు
స్వర్గంలోనే కాదు
మా ఇంటి గోడ మీది
క్యాలండర్ లో కూడా* -
పెదవికీ
చెవికీ
అనుసంధాన కర్తగా
మొబైల్ తరంగాలు* -
ప్రపంచాన్ని చుట్టేది
సూర్యుడేనా?
తాజా వార్తల కోసం
న్యూస్ ఛానెళ్లు* -
అతడికెంత
ధైర్యమో…
సింహాన్ని జేబులో పెట్టుకున్నాడు
నోటురూపంలో*
