కష్టే ఫలి

అక్కా చెల్లెళ్లు అడవికి వెళ్లారు
కంపను కొట్టారు-ఇంటికి తెచ్చారు
ఏటికి వెళ్లారు- నీటిని తెచ్చారు
కసువును ఊడ్చారు-ఎరువుగ మార్చారు
హద్దులు కట్టారు – పందిరి వేశారు
చిక్కుడు, బీర , దొండ, పొట్ల పాదులెక్కించి
బెండ, వంగ, టమాట నారులు పోశారు
మల్లె, బంతి, చేమంతి, మందార, గులాబీ
అందమైన పూల బాటలో ముందుకు పోతే,,
ఆకు కూరల మడులొక వంక !
సపోటా, అరటి, జామ, మామిడి , దానిమ్మ
పండ్ల చెట్లు మరొక వంక;
కాల్వ చేసి – నీటిని పారించి
కలుపులు ఏరి – కావలి కాసి
చెత్తను ఏరి – గెత్తం వేసి
గొప్పులు తవ్వి – గోతులు పూడ్చి
మట్టిని మార్చి – చీడను దులిపి
కష్టాన్నే ఇష్టంగా మార్చుకుని
పండ్లు – కాయలు కోశారు,
*ఆరోగ్యం ఇదిగో* నంటూ
పూలను పంచి - – కాయలు తెంచీ
పండ్లను అమ్మీ
ధనాన్ని పొందారు –
హాయిగా బతికారు