కయ్యూరు బాలసుబ్రమణ్యం నానీలు 8

[శ్రీ కయ్యూరు బాలసుబ్రహ్మణ్యం రచించిన ‘కయ్యూరు బాలసుబ్రమణ్యం నానీలు 8’ అనే కవితలను పాఠకులకు అందిస్తున్నాము.]

నడక
నువ్వు నేర్చుకోవాలి
నడవడిక
నీకు నేర్పుతుంది

నాన్న ఎప్పుడూ
‘జీరో’ అవుతుంటాడు
మనల్ని
‘హీరో’ చేయడానికి

నా అక్షరాలు
తుమ్మెదలు
నస పెడుతుంటాయి
ఆహ్లాద పరుస్తుంటాయి

రైలు పట్టాలు
తాము ఎడబాటౌతూనే
బంధాలను
కలుపుతాయి

కవిత్వానికి
జోహార్లు
గాయమైనప్పుడల్లా
సేద తీరుస్తుంది