[శ్రీ పెద్దాడ సత్యప్రసాద్ రచించిన ‘మనసుని అమ్ముకోకు’ అనే కవితని పాఠకులకి అందిస్తున్నాము.]
[dropcap]మ[/dropcap]నిషిని మత్తు గమ్మత్తు చేయొచ్చు
మనసుని ఏ పొరలు కమ్మేయలేవు
దానికి తీవ్రత తీక్షణత ఎక్కువ
సూర్యుడి ముందు మబ్బుల్లా
మనసు ముందు ఏ మాయాజాలమైనా
దూది పింజల్లే ఎగిరిపోవాల్సిందే
మనసు జోలికి వస్తే తట్టుకోలేవు
మనిషితో మాట్లాడు మరచిపొతుంది
కాని మనసుతో మాట కలిపితే
వదలనంటుంది నిన్ను మరువంటుంది
మాయ మాటల గారడీతో
మనసుని గెలవలేవు
మనిషిగా తిరగలేవు
మనసుని నమ్ముకో బతికేస్తావు
అమ్ముకోకు మరణిస్తావు