[box type=’note’ fontsize=’16’] ప్రసిద్ధ హిందీ/ఉర్దూ కవి, సినీ గీత రచయిత శ్రీ సాహిర్ లుధియాన్వీ శత జయంతి సంవత్సరం సందర్భంగా వారి ఎంపిక చేసిన కొన్ని కవితలను ‘మేరే దిల్ మె ఆజ్ క్యా హై’ శీర్షికతో స్వేచ్ఛానువాదం చేసి సంచిక పాఠకులకు అందిస్తున్నారు గీతాంజలి. [/box]
నా తల రాతలో కాలిపోవాలని రాసే ఉంటే., కాలి పోయే తీరతాను!
[dropcap]ప్రి[/dropcap]యురాలా.,
నువ్వు నాకు చేసిన వాగ్ధానాన్ని కాను కదా నేను ., నీలా ఇట్టే మారిపోవడానికి.
ఏం చేయగలను ఇంక.,వేరే దారేముంది?
నా తల రాతలో కాలిపోవాలని రాసి ఉంటే., కాలిపోయే తీరుతాను!
నువ్వు., నా కలల్లోకి మన ప్రణయపు విషాద బీభత్స కాంతుల్ని ఒంపినా సరే.,
నాకేమీ కాదులే!
నేనేమీ కొవ్వొత్తిని కాను సుమా., కరిగి కరిగి పోవడానికి!
ప్రేయసీ విను! ఈ వియోగపు రాత్రి వేళ.,
నా హృదయం నొప్పితో వొణుకుతూ.,
నిట్టూర్పుగా మారి నీ లోగిలి విడిచి వెళ్లిపోతానంటున్నది.
సాహిర్., నువ్విక నాకేమీ నచ్చ చెప్పకు
ఏదో ఒక రోజు
ప్రేమలో ఎదురు దెబ్బలు తిన్నాక నాకు నేనే కుదురుకుంటాను
నా కోసం చింతించకు.,
ప్రేయసి దూరం అయితేనేం
ప్రణయంలో గాయాలు నాకు తప్పక పాఠాలు నేర్పిస్తాయి.
మూలం: సాహిర్ లుథియాన్వి
స్వేచ్ఛానువాదం: గీతాంజలి
