[box type=’note’ fontsize=’16’] విశ్వకవి రవీంద్రనాథ్ ఠాగూర్ రచించిన ‘Fireflies’ కవితా సంపుటిని అనువదించి సంచిక పాఠకులకు అందిస్తున్నారు శ్రీ ముకుంద రామారావు. [/box]
46
ఒకటి రెండోది లేకుండా శూన్యం
మరొకటి దానిని నిజం చేస్తుంది
47
జీవతపు పొరపాట్లు
పూర్ణ సామరస్యంలోంచి వేరుపడటాన్ని సవరించమని
కృపామయ శోభ కోసం రోదిస్తాయి
48
వెళ్ళగొట్టబడిన గూడు కోసం
వారు ధన్యవాదాలు ఆశిస్తారు
వారి పంజరం సుందరంగా సురక్షితంగా ఉంది గనుక
49
ప్రేమలో నీదైన కౌశల్యానికి
అంతులేని అప్పు తీరుస్తాను నీకు
50
దాని చీకటినుండి కొలను
లిల్లీ పూలతో గేయాలు పంపుతుంది
అవి బాగున్నాయి అంటాడు సూర్యుడు
51
గొప్పవారి మీద, నీ అపనింద, ద్రోహం
అది నిన్నే బాధిస్తుంది
తక్కువవారి మీద, నీ అపనింద, నీచం
అది బాధితుడ్ని బాధిస్తుంది
52
భూమి మీద పుష్పించిన మొదటి పుష్పం
బయటపడని పాటకు ఆహ్వానం
53
వేకువ – అనేక రంగుల పుష్పం – మాసిపోతుంది
తరువాత సహజమైన కాంతిఫలంగా, సూర్యుడు ప్రత్యక్షమౌతాడు
54
కండ ఏదైతే దాని తెలివిని సంశయిస్తుందో
అది ఏడ్చే గొంతు నులిమి చంపుతుంది
55
కేవలం దాన్ని ఆర్పడానికే
వీచేగాలి మంటని ముట్టడిస్తుంది
56
జీవితపు ఆట సత్వరం
జీవితపు ఆటవస్తువులు
ఒకదాని వెంట ఒకటి రాలిపోయి మరచిపోబడతాయి
57
నా పుష్పం
మూర్ఖుడి గుండీ తగిలించే రంద్రంలోంచి
దాని స్వర్గాన్ని ఆశించదు
58
నా నెలవంకా, నువ్వు ఆలశ్యంగా వచ్చినా
నా రాత్రిపక్షి ఇంకా మేలుకునే ఉంది
నీకు అభివాదం చేయడానికి
59
ముసుగులోని వధువు చీకటి
నిశ్శబ్దంగా ఎదురుచూ స్తుంది
సంచరించే వెలుగు తన హృదయంలోకి తిరిగొస్తుందని
60
భూమి చేసే అంతులేని ప్రయత్నం చెట్లు
వినే ఆకాశంతో మాటాడటానికి
(మళ్ళీ వచ్చే వారం)