[box type=’note’ fontsize=’16’] విశ్వకవి రవీంద్రనాథ్ ఠాగూర్ రచించిన ‘Fireflies’ కవితా సంపుటిని అనువదించి సంచిక పాఠకులకు అందిస్తున్నారు శ్రీ ముకుంద రామారావు. [/box]
[dropcap]76[/dropcap]
మనం నివసించే హక్కుకి పూర్తి మూల్యం చెల్లించినపుడు
స్వాతంత్రం ఆర్జిస్తాం
77
ఒక క్షణంలో నీ అశ్రద్ధ కానుకలు
శరత్కాలపు రాత్రి ఉల్కాపాతంలా
నా ఉనికి లోతుల్లోకి మంటల్లా వ్యాపిస్తాయి
78
విత్తనపు హృదయంలో నిరీక్షిస్తున్న నమ్మకం
వెంటనే నిరూపించలేని
అద్భుతమైన జీవితపు ఆశను కల్పిస్తుంది
79
చలికాలం ద్వారం దగ్గర వసంతం సంశయిస్తుంది
కానీ పెరిగిన మామిడిపంట దూకుడుగా దాని సమయానికి ముందే
దాని దగ్గరకు పరుగెట్టి దాని అంతాన్ని చేరుకుంటుంది
80
ప్రపంచం – ఎప్పుడూ మారే నురగ లాంటిది
నిశ్శబ్ద సముద్ర ఉపరితలంలో తేలుతూనే ఉంటుంది
81
వేరుకాబడ్డ రెండు తీరాలూ
అర్థంకాని కన్నీటి పాటలో గొంతు కలుపుతాయి
82
సముద్రంలోని నదిలా
శ్రమ దాని సిద్ధిని
సంపూర్ణ తీరికలోనే తెలుసుకుంటుంది
83
నా దారిలో నేను
వికసించని నీ చెర్రీ చెట్టు వరకూ నడుస్తుంటే
నెమ్మదిగా నీ మన్నింపుగా పూలపొద
నా ప్రేమను నాకు తెచ్చి ఇస్తుంది
84
నీ దానిమ్మ
చిన్న సిగ్గరి మొగ్గ
దాని ముసుగు వెనక ఈ రోజు ఎర్రబడుతోంది
రేపు నేను దూరంగా ఉన్నప్పుడు
రేగే పూవుగా విచ్చుకుంటుంది
85
అధికారం మొరటుదనం
తాళంచెవిని చెడగొట్టి
గడ్డపారని వాడుతుంది
86
పుట్టుక
రాత్రి అద్భుతం నుండి
పగలు ఇంకా అద్భుతంలోకి
87
నా కాగితం పడవలు
సమయం అలలమీద నర్తించటానికే
ఏదో గమ్యం చేరటానికి కాదు
88
వలసగీతాలు నా హృదయం నుండి ఎగిరి
నీ ప్రేమ స్వరంలో, వాటి గూళ్లను వెతుకుతాయి
89
భయానక సముద్రం
మనిషి చిరు దీవి చుట్టూ సందేహం
నిరాకరణ అజ్ఞాతాన్ని ఎదిరించమని
నిశ్చయంగా అతనికి సవాలు చేస్తాయి
90
ప్రేమ క్షమించినా
భయంకర నిశ్శబ్దంతో
గాయపడ్డ దాని అందం శిక్షిస్తుంది
(మళ్ళీ వచ్చే వారం)
