[dropcap]నీ[/dropcap] కనుపాపల్లో నిలిచిన నా రూపం
నాకే నన్ను కొత్తగా పరిచయం చేస్తుంటుంది!
ఎప్పుడైనా పలకరిద్దామని ప్రయత్నిస్తుంటే
పలకవేమోనన్న సంశయం వెనక్కి లాగేస్తుంటుంది!
అడుగులు కలిపి నడుద్దామని వెనకే వస్తుంటే
ముందుకొస్తున్న సాగర కెరటాలు
నీ అడుగుల ఆనవాలు లేకుండా చెరిపేస్తూ
మన మధ్య దూరాన్ని పెంచుతూ
కలవరపాటుకు గురిచేస్తుంటాయి!
అదేంటో కాని..
కంటి చూపులతో పలకరిస్తుంటావు!
మాటలు లేని మౌనాన్నే వరంగా ప్రసాదిస్తుంటావు!
అడుగులు మాత్రం అందకుండా చేస్తుంటావు!!
మన ప్రేమ పరిచయాలు కలల కావ్యాల పరిమళాలు!
నిజం అనిపిస్తున్నట్లే వున్నా.. నమ్మకం కలగని నిష్కల్మషాలు!