[dropcap]కౌ[/dropcap]ముది (www.koumudi.net) వెబ్ మాసపత్రిక నిర్వహణలో ‘పిడపర్తి వెంకటరమణశర్మ గారి జ్ఞాపకార్థం కథల పోటీ – 2021’ నిర్వహించబడుతోంది.
బహుమతులు:
- ఉత్తమ కథలు – 3 – ఒక్కొక్క కథకు రూ. 5,000/-
- బహుమతి కథలు – 20 – ఒక్కొక్క కథకు రూ 1,500/-
- సాధారణ ప్రచురణ కథలు – 15 – ఒక్కొక్క కథకు రూ 1,000/-
రచయిత/త్రులకు సూచనలు:
- కథాంశం ఏదైనా – నవ్యతకు, సృజనాత్మకతకు పెద్దపీట వేసే రచనల్ని ఆహ్వానిస్తున్నాం.
- కేవలం సందేశం కోసమే వ్రాసిన కథలకూ, శీర్షికలోనే కథాంశం తెలియపరిచే కథలకూ విజయావకాశాలు తక్కువగా ఉంటాయని గమనించ ప్రార్థన.
- ఇంతకు ముందు ఎక్కడా (ప్రింట్ పత్రికలలో కానీ, వెబ్ పత్రికలలో కానీ, వ్యక్తిగత బ్లాగులలో కానీ) ప్రచురితం కాని రచనలను మాత్రమే పోటీకి పంపించండి.
- ఇప్పటికే ఎక్కడైనా పరిశీలనలో ఉన్న రచనలు కూడా పోటీకి అర్హం కావు.
- పై అంశాలను ధృవీకరిస్తూ హామీపత్రం తప్పని సరిగా జతపరచాలి. హామీపత్రం లేని రచనలు పరిశీలించబడవని గమనించగలరు.
- కథలను తెలుగులో టైప్ చేసి (యూనికోడ్ లేదా అను ఫాంట్స్) లేదా స్కాన్ చేసి ఇ-మెయిల్లో మాత్రమే పంపించాలి.
- ప్రచురణకు అంగీకరించని ప్రతులను త్రిప్పి పంపడం సాధ్యం కాదు. వాటి కాపీలు తీసి ఉంచుకోవడం మంచిది.
- రచనకు ఏ కలం పేరు వాడినా రచయిత/త్రి అసలు పేరు, పూర్తి చిరునామా తప్పని సరిగా వ్రాయాలి.
- పోటీలలో ఏ బహుమతి పొందిన కథనైనా, ఫలితాలు వెలువడిన తరువాత రచయిత/త్రి వెనకకు తీసుకునే అవకాశం లేదని గమనించండి.
- టైపింగ్ కథ 10 పేజీలు మించకుండా ఉంటే మంచిది.
- పోటీ ఫలితాలు koumudi.net – నవంబర్ 2021 సంచికలో ప్రచురించబడతాయి.
- బహుమతుల విషయంలో న్యాయనిర్ణేతలదే తుది నిర్ణయం. ఈ విషయంలో ఉత్తర ప్రత్యుత్తరాలకు అవకాశం లేదు.
- బహుమతి పొందిన కథలు ‘కౌముది’ వెబ్ పత్రికలో జనవరి 2022 సంచికనుంచి, నెలకు రెండు చొప్పున, ప్రచురించబడతాయి.
పోటీ కథలు మాకు అందవలసిన చివరి తేదీ: సెప్టెంబర్ 30, 2021
ఫలితాల ప్రకటన: నవంబర్ 1, 2021
మీ రచనలు పంపించాల్సిన ఇమెయిల్ చిరునామా: stories@koumudi.net
తెలుగు కథా రచనకు ప్రోత్సాహం – ఉత్తమ కథలకు సముచిత పురస్కారం