[dropcap]ప్రే[/dropcap]మంటే ఒక దాహం
అది తీరని వ్యామోహం
కామి గాని వాడు మోక్షగామి
కాదన్నారు… అందుకే ॥ప్రేమ॥
నిప్పైన సహిస్తుంది
నీరైనా నిలుస్తుంది
నీలోనే రహిస్తుంది
నిండుగా క్షమిస్తుంది ॥ప్రేమ॥
పగగా మారుతుంది
సెగగా ఎగుస్తుంది
నిలువునా దహిస్తుంది
రాక్షసమై రగులుతుంది ॥ప్రేమ॥
రాగమై రంజిల్లుతుంది
యోగమై మిగులుతుంది
త్యాగమై వెలుగుతుంది
అజరామర మవుతుంది ॥ప్రేమ॥
మనసును మురిపిస్తుంది
మమతలు కురిపిస్తుంది
మనిషినే మారుస్తుంది
జీవితమై జ్వలిస్తుంది ॥ప్రేమ॥
