పునాది

[dropcap]శు[/dropcap]భోదయంతో స్వాగతించి,
శుభరాత్రితో ముగించడమే,
దినచర్య కాజాలదు ఏ నాటికీ..
పునః పరిశీలన అవసరం-
ఈ నిరంతర పయనానికి!!

సాగుతున్న కాలగమనంలో
నిన్న అనే గతం తిరిగి రానిదైనా-
వర్తమాన పయనానికి..
అదో అమూల్య అనుభవం
భవిష్య ప్రణాళికలకు లభించిన, అపురూప అవకాశం!!

నిన్నటి దినచర్యలో తారసిల్లే,
మంచిని ఆనందంగా ఆహ్వానించి..
చెడును ఆమడదూరం తరిమితే,
అది మంచిజీవితమనే భవంతికి,
ఏర్పరుచుకున్న స్వీయ పునాది!!