[dropcap]చీ[/dropcap]కటి భయపెడుతుంది..
ఎంతవరకు.. నువ్వు భయపడినంతవరకు..!
ఓటమి బాధపెడుతుంది..
ఎంతవరకు.. నువ్వు బాధపడినంతవరకు..!
ఒక్కసారి.. నీ చూపు వెలుగు దిశగా సారించు..
చీకటి అంతమైపోతుంది ..
నిన్ను భయపెట్టే చీకటి..
నీలోని బిడియాన్ని పక్కకి నెట్టేసి..
కొత్తగా పరిచయం అయిన
వెలుగుల దిశగా నిన్ను నడిపిస్తుంది!
ఓటమి ఎదురైనప్పుడు.. నువ్వు చేసిన
తప్పులేంటో విశ్లేషించుకుని గ్రహించు..
నిన్ను అప్పటి వరకు అగాధంలోకి నెట్టేసిన
ఓటమిల తాలూకు చేదు అనుభవాలే..
రేపటి రోజు గెలిచేదారులు చూపే
దిక్సూచిలా మారి.. తగిన పాఠాలు నేర్పుతాయి!
నేటి నీ ప్రతి ఓటమి…. ‘రేపటి గెలుపు’కు
చిరునామాగా నిన్నే చూపుతాయి!
