[dropcap]’స[/dropcap]రిగ పదమని’ (మన రెక్కలు) అనే శీర్షికతో సంచిక పాఠకులకు రెక్కలని అందిస్తున్నారు పురాణం శ్రీనివాస శాస్త్రి.
~ ~
జీవితానికి
బతకడమే
ముఖ్యం అనుకోకు –
ఊపిరితో సరిపెట్టకు –
ఆక్సీజనే వదులు!
~ ~
మానవజాతికి
పునాది ప్రణయం –
స్త్రీ పురుష భేదం
ప్రేమలో లయం –
సమాగమం!
~ ~
తీరంతో కెరటం
ఆడుతుంది సయ్యాట –
అంతలో కౌగిలించి
మరలి పోతుంది విడిచి!
అలుపు లేని వలపు!
~ ~
ఒకటే సీత –
ఒకటే బాణం –
గురి తప్పని ధర్మం
రాముని సూత్రం –
ఏకాగ్రత!
