సరిగ పదమని-26

[dropcap]’స[/dropcap]రిగ పదమని’ (మన రెక్కలు) అనే శీర్షికతో సంచిక పాఠకులకు రెక్కలని అందిస్తున్నారు పురాణం శ్రీనివాస శాస్త్రి.

~ ~

రామప్ప గుడికి
యునెస్కో ప్రశస్తి
తెలంగాణపు
తెలుగువాడి ఆస్తి –

ప్రపంచ పర్యాటక జడి..
పెరిగేనిక పలుకుబడి!

~ ~

గగనాన మబ్బులు
కమ్మితేనే వర్షం –
సూర్యుడు ప్రకోపిస్తేనే
చలిని తరుము కిరణం –

వెన్నెల కాచేది
చీకటయ్యాకే!

~ ~

ఎగిరితేనే
అందేను ఫలం –
పఠిస్తేనే పుస్తకం
అవగతం –

తిని కూచుంటే
కరిగేది కాలం!

~ ~

కాలంతో బాటు
మారుతూ వచ్చినదే
అవశ్యం అనుసరణీయం –
కానిది కాదు శిరోధార్యం –

నిలవ నీరు
కాజాలదు పానీయం!