[dropcap]’స[/dropcap]రిగ పదమని’ (మన రెక్కలు) అనే శీర్షికతో సంచిక పాఠకులకు రెక్కలని అందిస్తున్నారు పురాణం శ్రీనివాస శాస్త్రి.
~ ~
కట్టె లాగా
మిగులునొకరు
కట్టె లేరుకు
బతుకునొకరు
పొయ్యి కాలితేనే
బతుకు మెతుకు!
~ ~
ఆది వికృతి
గుర్తింపు నియతి –
విభజన భజన
నాటి నీతి –
వృత్తికి గుండు గీసి
కులం విగ్గు తొడిగారు!
~ ~
నడక నేర్పే పాదం
ఎలా అయ్యింది నీచం?
ధూళిదూసరితం
భూమి సర్వం –
నిలువ లేని వాదన
విలువ లేని జాణ!
~ ~
మనుషుల మధ్య సెగ
ఆడ మగ తెగ –
అక్కడే ఆరంభం
ఆరని పగ –
చీలిక గీతికి
ఆది అపశృతి!
