తర్వాత..

[మాయా ఏంజిలో రచించిన ‘After’ అనే కవితని అనువదించి సంచిక పాఠకులకు అందిస్తున్నారు కవయిత్రి హిమజ గారు.]

(ఒకానొక ఉదాసీనపు ఉదయం తర్వాత ఉండే సాయంకాలపు వాతావరణాన్ని చిత్రించిన కవిత!)

~

[dropcap]మూ[/dropcap]ల్గుతూ ఉండే ఆకాశం నుంచి
ఎలాంటి శబ్దమూ రాదు

సాయంత్రపు నీటి కొలనుని
ఏ ముడతలూ వెక్కిరించవు

ప్రజ్వరిల్లే రాతి వెలుగులో
పక్షులు ఎగురుతూ ఉండగా
నక్షత్రాలు కిందికి వంగి ఉంటాయి

అంగడి- తన ఖాళీ సొరుగుల్లోకి
దొంగ చూపులు చూస్తుంటుంది

అతి తక్కువ వాహనాలకు
వీధులు వక్ష స్థలాలవుతాయి

ఎవరూ నడుం వాల్చని బరువుతో
ఈ మంచం ఆవులిస్తూ ఉంటుంది.

~

మూలం: మాయా ఏంజిలో

అనువాదం: హిమజ