వారాల ఆనంద్ హైకూలు-1

[dropcap]సం[/dropcap]చిక పాఠకుల కోసం శ్రీ వారాల ఆనంద్ రచించిన 8 హైకూలను అందిస్తున్నాము

1)

పువ్వునీ పరిమళాన్నీ మనసారా ప్రేమించా

కాలం పువ్వుని లాక్కెళ్ళింది

పరిమళం నాతో ఉండిపోయింది

========================

2)

చెట్టు మొదట్లో కూర్చుని

ఎదిగిన కొమ్మల్ని చూస్తున్నా

అవేమో దయతో పూల వర్షం కురిపించాయి

=====================

3)

ఆకాశంలో నడిపిన హరివిల్లు విరిసింది

నీటిలోంచి ఎదిగిందా నింగి లోంచి దిగిందా

ప్రేమ ఎక్కడ పుట్టిందో ఎవరు చెప్పగలరు

====================

4)

నా గురించి నీకంతా తెలుసు

మనసు తప్ప

నీ గురించి నాకేమీ తెలీదు

మనసు తప్ప

==================

5)

నేను నిన్ను ఇష్ట పడ్డానో

నువ్వు నన్ను ఇష్టపడ్డావో

ఇష్టపడటమే గొప్ప ఇష్టంగా వుంది

===================

6)

అలుపెరుగ కుండా గాలి నన్ను చుట్టేస్తుంది

వస్తూ వస్తూ పత్రహరితం నుండి

ప్రాణాన్ని మోసుకొస్తోంది

===================

ఎవరో తలుపు తట్టిన చప్పుడు

ఇంటి తలుపా

గుండె తలుపా

======================

7)

ఆకాశం లో

బారులు తీరిన పక్షులు

కుంచె గీసిన గీతాలు

లేత కిరణాల ఊసులు

==================

8)

మానేరు కట్టపై నావీ నీవీ

అడుగుల సవ్వడి

నీటి అలలు ప్రతిధ్వనిస్తున్నాయి

==================