[dropcap]సం[/dropcap]చిక పాఠకుల కోసం శ్రీ వారాల ఆనంద్ రచించిన 8 హైకూలను అందిస్తున్నాము

8)
మానేరు కట్టపై నావీ నీవీ
అడుగుల సవ్వడి

నీటి అలలు ప్రతిధ్వనిస్తున్నాయి

9)
చాలా దూరం నడిచాక
తెలిసింది అందులో

గొప్ప ఒంటరితనం వుందని

10)
వానాకాలం ఉదయం
ఆకులు తేట గా వున్నాయి

తలలు వంచవు

11)
ఆకాశం మబ్బులతో నిండిపోయింది
నిండు మనసుతో నది

చిరు నవ్వుతో ఆకులు పిలుస్తున్నాయి

12)
వానాకాలపు ఉదయం
వాకిట్లో చినుకులు

గదిలో కునుకులు

13)
వానా కాలమే
పాపం ముసుర్లకు

కాలం చెల్లింది

14)
ఉదయం చినుకులు
రోడ్డు పక్క చెట్లు

ఒళ్ళు విరుచుకుంటున్నాయి

15)
నిండిన సరస్సు
కదులుతున్న అలలు

ఇద్దరి కళ్ళు కలుసుకున్నాయి

16)
గాలి నిండా
మట్టి పరిమళం

ఇంతకు ముందే నాలుగు చినుకులు పడ్డాయి