దేశంలో నేటి సామాజిక స్థితిగతులపై తన ఆలోచనలను ‘వారెవ్వా’ అంటూ కవితాత్మకంగా వెల్లడిస్తున్నారు ఐతా చంద్రయ్య.
~
పుణ్య భారతదేశమందున
పుణ్యక్షేత్రాలు ఎన్నో!
ఆది శంకరాచార్య స్థాపన
నాల్గు పీఠాల్ పవిత్రములు.
దేశమందున నాల్గు దిక్కులు
దివ్యమౌ పీఠములున్నవి.
కేరళ, కన్యాకుమారి నుండి
కాలినడకన బయలుదేరగ
కాశ్మీరము దాటి చార్‍ధాం
హిమాలయములు కలియదిరిగెను.
***
దేవదూతలు ఇతరదేశము
లోకి దిగివచ్చారు గాని
పవిత్రమ్మగు వేదభూమిన
దేవతలె అవతరించారు.
దుష్ట శిక్షణ, శిష్ట రక్షణ
ధ్యేయముగ పోరాడినారు.
మతములెన్నో యున్న గానియు
ధర్మమొక్కటె భారతమున.
ఆది శంకరాచార్య బోధ
మతములన్ని మాయదారివి.
***
దేశ సంస్కృతి సంప్రదాయం
ఆదరణ పౌరులందరికి
తన మతమ్మే గొప్పదనుచు
ఇతర మతముల నిందించుట
దేశ ప్రజలకు దౌర్భాగ్యము
సమత మమతలు మాసిపోవు.
వేల వత్సరముల చరిత్రను
తెలిసి కొనియు మసలుదామా!
కృణ్వంతో విశ్వమార్యమని
కలిసిమెలిసి సాగుదామా!
